棠記海鮮小廚

营业中

休息中

好耐无去三圣食饭，今次同朋友去𠮶头揾食。三圣呢间餐厅可以加工海鲜，唔同煮法就唔同价钱但因为我地约得比较急就无特别买海鲜去。觉得下次可以试下，因为加工价钱都公道。 我地七点半左右去到已经坐满人所以安排坐室外，好在都唔会太热。平时行过都只会觉得佢系茶餐厅但原来晚市小菜都好够镬气。 芝士龙虾焗乌冬 呢个超超超超超邪恶但系好好好好正🤤每条乌冬都沾上啖啖芝士又不失龙虾鲜味。 豉椒炒蚬 豉椒汁超惹味，蚬肉粒粒都好饱满又肥美而且无沙，够鲜。 腐乳炒通菜 通菜脆口配埋腐乳呢个组合真系无得输! 招牌咸鹅(例牌) 餐厅用上特制汁有别于一般卤水鹅，好入味! 肉质鲜嫩又有鹅香!