棠記海鮮小廚

营业中

休息中

一讲到食海鲜，就会谂起三圣呢个地方。但今次因为工作关系经过三圣邨，想简单食个晚饭，估唔到都有惊喜，三圣呢个地方都唔系话净系食海鲜先嚟得嘅招牌菠萝咕噜肉咕噜肉炸得好脆口，但里面嘅肉汁都保留到。酸甜汁十分开胃，酸度嘅比较几平衡，唔会酸得好呛喉，特别嘅系菠萝系完整一执咁上，纯粹用火烧一烧，唔会煮到湿淰淰，好香甜。金银蛋肉松扒时蔬呢个经典嘅港底晚饭小菜，咸蛋皮蛋嘅味煮哂融合哂落上汤到，所以上汤嘅味道好浓烈，完全唔觉得有味精嘅感觉，当佢系个汤嚟饮都无问题。加埋菜嘅清甜味，感觉好下火。西兰花炒虾球西兰花炒得好翠绿，虾球做到明虾嘅口感，爽口弹牙，每次都好新鲜，加上姜片同韮黄嘅香气，提升左虾球嘅鲜味。另外有镬气之余，油量都适中，虽然系大排档式小菜，但都唔会食到成口油。