棠記海鮮小廚

营业中

休息中

好耐无食海鲜啦，所以夜晚同屋企人去左三圣间棠记海鲜小厨。棠记有前后两间舖，茶餐厅般嘅装潢，大圆枱同卡位。除了餐牌外，墙上亦有多款食物选择。豉椒炒蚬值得一赞系吐沙得非常干净，一粒沙都食唔到！鲜甜弹牙嘅蚬肉配上豉椒味，无论当饭前小食或送饭都一流！菠萝咕噜肉虽然咕噜肉每粒也比较细小，但份量足够，而且咕噜肉粉皮较薄，炸得非常脆口！菠萝亦非常新鲜，鲜甜唔酸。脆皮琵琶虾芝士盖面再拎去炸，连虾壳亦炸得非常脆！不用虾壳钳，亦可将虾肉与虾壳分离。香浓芝士再配上厚实嘅虾肉，一啲都唔油腻。椒丝腐乳通菜通菜爽脆可口，加上腐乳汁嘅咸香，非常惹味，又系一个送饭嘅菜式！