興記

营业中

休息中

三圣邨除咗食海鲜之外，村内嘅冬菇亭有一间好出名食烧鹅嘅烧鹅专门店！餐厅名叫做兴记烧鹅海鲜饭店，区内唔少人都会专登入去食佢嘅烧鹅！今日同朋友过嚟食午餐，兴记烧鹅海鲜饭店一踏入店门，香气已经扑鼻而来。我点咗一碗烧鹅濑粉，卖相相当吸引！餐厅选用肥美鲜嫩嘅鹅肉，烧鹅外皮烤至金黄酥脆，每一口都食到香脆外皮同埋啖啖嫩滑鹅肉，最紧要系竟然油而不腻，食得相当滋味，令人回味无穷。另外，濑粉方面都做得好出色，质地柔韧滑顺，吸尽每一啖烧鹅嘅精华，整体呢碗烧鹅濑味道都好balance 同有层次，好食好食！对于爱好正宗烧鹅嘅朋友来说，这家小店嘅烧鹅，绝对值得专程一试。