影片
更多
2015-08-27
2058 浏览
近年黎香港好多自助餐都有生蚝食，不过好多间都良莠不齐，试过澳门既够鲜不过就细只，香港有啲平价既就唔新鲜，最惨既系去工厦买都试过有不愉快既经验，所以朋友介绍黎呢间之前都唔敢有好大祈望。因为返工既关系，所以比较迟先到，好在食到最后都无比人赶头赶命咁赶走。入到门口就见到个冷盘bar，一般既沙律寿司都有，不过我就无乜兴趣，一开始就当然系扫生蚝先啦。睇返介绍先知原来我食大只呢啲系日本蚝，因为太贪心既关系，一开始食几只就再食唔落，见到有人话啲生蚝离壳，咁我都觉得怪怪地，点解个带子位会切得咁靓架呢？不过唔谂啦，食落口先最紧要，食落口又几鲜㖞，起码食落无怪味先啦，食左五只左右就KO左，留肚食左啲甜虾同三文鱼。三文鱼切得都厚，味道鲜不过有少少筋，甜虾就连壳既，所以食既时候有少少麻烦，不过有头甜虾的确好食啲，而且有啲虾籽连埋，食落都好新鲜，唯一不足就系呢两样系轮住上，一次系拎唔哂两样既。另外仲有翡翠螺，当然同平时果啲一样，有啲鲜味咁啰，细食既就唔好浪费quota喇。留左肚食下啲热食，始终食左个饱肚感会强啲。烧西冷，同平时既烧牛肉差唔多，烧汁黑椒汁同芥末都有，属一般。另外仲有猪肋骨同鸡翼都无太大惊喜，反而个
因为返工既关系，所以比较迟先到，好在食到最后都无比人赶头赶命咁赶走。入到门口就见到个冷盘bar，一般既沙律寿司都有，不过我就无乜兴趣，一开始就当然系扫生蚝先啦。睇返介绍先知原来我食大只呢啲系日本蚝，因为太贪心既关系，一开始食几只就再食唔落，见到有人话啲生蚝离壳，咁我都觉得怪怪地，点解个带子位会切得咁靓架呢？不过唔谂啦，食落口先最紧要，食落口又几鲜㖞，起码食落无怪味先啦，食左五只左右就KO左，留肚食左啲甜虾同三文鱼。三文鱼切得都厚，味道鲜不过有少少筋，甜虾就连壳既，所以食既时候有少少麻烦，不过有头甜虾的确好食啲，而且有啲虾籽连埋，食落都好新鲜，唯一不足就系呢两样系轮住上，一次系拎唔哂两样既。另外仲有翡翠螺，当然同平时果啲一样，有啲鲜味咁啰，细食既就唔好浪费quota喇。
留左肚食下啲热食，始终食左个饱肚感会强啲。烧西冷，同平时既烧牛肉差唔多，烧汁黑椒汁同芥末都有，属一般。另外仲有猪肋骨同鸡翼都无太大惊喜，反而个炸饺子又几好食，无摆到林哂～熟既海鲜我就唔太大兴趣，不过睇落都应该唔错既～
最后当然系饮杯咖啡食少少甜品作为个ending啦，豆腐花都整得唔错，我就好好彩，啲豆花无比人撩到散哂～蛋糕以朱古力味比较好食，反而个苹果金宝呢，面头既包粒又几好食，但苹果就酸左少少，个西班牙油炸鬼都值得试返旧。
最后又系饱到行唔郁咁制，又系时候要减肥了～
张贴
