活一鮮 (已結業)

北角有好几间鱼生店，目前活一鲜算几有水准同埋胜在食材新鲜，服务态度都可以接受，就算walk-in都唔会怠慢客人。鱼生海鲜配搭都几多元，可以自己任意拣，我就拣咗「三色丼（带子、海胆、三文鱼子）」🍚🍣 几粒带子都好厚肉，咬落几爽口，唔似摆咗好耐，够新鲜又无咩雪藏味；海胆份量还好，质素就一般，未到惊讶地好食；三文鱼子就大大粒，配埋饭食一流😛 另外，如果想食多几款鱼虾类就可以点「活一鲜丼」(朋友点的)，目测多咗蟹子吞拿鱼同大虾鱼生，卖相都唔错。