影片
更多
2021-09-27
1324 浏览
今日放工原本呢就諗住去Lamees，就由沙田特登搭屯馬線慕名黎到土瓜灣呢個充滿香港老味道既舊區，試下中東菜。點知道原來佢係逢星期一休息。真係好唔好彩呀！咁呢就之前呢就睇過一d知名既youtuber，介紹過一間好好食既北京餃子。咁一場黎到土瓜灣，出師不利，咁又唔想兩手空空返屋企，就行遠小小，行左15分鐘，就由北帝街行到去安徽街黎到呢個既巧興麵食店。咁入到去呢就唔洗等位既。一入到去自己搵位坐就得啦。入到去既白燈同埋白色牆，一睇就知道係老店既味道呀。睇左一陣牆上面黃色既餐牌諗左陣，今次就食擔擔麵同酸辣麵啦！！！另外仲叫左半份韭菜餃同埋半份白菜餃。今次真係好可惜呀，想試下呢間今小店既涷豆漿，點知咁岩賣哂，真係唔好彩！叫完野食等左大概五分鐘，d野食就黎啦。我地仲叫咗兩隻碗。又好唔好彩呀，其中一隻好似洗得唔係咁乾淨喎。不過唔緊要啦，老板娘好好人幫我換過隻！咁d野食話咁快就黎齊勤。講下個擔擔麵先啦！個擔擔麵呢就普普通通，咁講起擔擔麵既精粹呢，就緊係個醬啦！呢個醬呢就稍為遜色小小勒，個醬就有d唔係幾夠濃喎，花生醬又好似唔係幾夠香啵。同埋呢佢d麵呀，就煮得稍為淋左小小呀。值得一讚呢就係佢個份量就岩岩好呀
咁呢就之前呢就睇過一d知名既youtuber，介紹過一間好好食既北京餃子。咁一場黎到土瓜灣，出師不利，咁又唔想兩手空空返屋企，就行遠小小，行左15分鐘，就由北帝街行到去安徽街黎到呢個既巧興麵食店。
咁入到去呢就唔洗等位既。一入到去自己搵位坐就得啦。入到去既白燈同埋白色牆，一睇就知道係老店既味道呀。睇左一陣牆上面黃色既餐牌諗左陣，今次就食擔擔麵同酸辣麵啦！！！另外仲叫左半份韭菜餃同埋半份白菜餃。今次真係好可惜呀，想試下呢間今小店既涷豆漿，點知咁岩賣哂，真係唔好彩！
叫完野食等左大概五分鐘，d野食就黎啦。我地仲叫咗兩隻碗。又好唔好彩呀，其中一隻好似洗得唔係咁乾淨喎。不過唔緊要啦，老板娘好好人幫我換過隻！
咁d野食話咁快就黎齊勤。
講下個擔擔麵先啦！個擔擔麵呢就普普通通，咁講起擔擔麵既精粹呢，就緊係個醬啦！呢個醬呢就稍為遜色小小勒，個醬就有d唔係幾夠濃喎，花生醬又好似唔係幾夠香啵。同埋呢佢d麵呀，就煮得稍為淋左小小呀。值得一讚呢就係佢個份量就岩岩好呀。
再之後就食呢個既酸辣湯麵。呢一個酸辣湯麵呢，佢就顛覆左我對酸辣既認識。咁點解呢，因為入面呢，就竟然有三色豆，仲要急涷個隻既三色豆。咁呢一方面呢，係酸辣湯麵黎講，都算幾有特色既。至於佢個湯底呢，就好似比較酸左小小勒。佢個陣酸味呢係單一既，就好似落左醋個種酸。
最後就係佢既北京餃子，佢地既北京餃子就普普通通。
张贴
