Kazuki Bakery (已結業)

Kazuki可谓第一代以青岚抹茶甜品打响名堂嘅小店，之前试过佢嘅千层蛋糕觉得几出色，今年喺云云茶味月饼中拣左佢地嘅出品。我临近中秋先拎货，赶唔切出post，有兴趣嘅下年可以留意下，通常会有早鸟优惠。 🥮三茶月饼喺雪柜令出黎就食得好方便，外皮口感同豆蓉冰皮相近，室温放一阵内馅会似生朱古力，无咁黏口。一盒有抹茶、焙茶同伯爵茶每款各二，望落三款嘅色泽都好深。青岚抹茶一如以往地浓，啱啱入口时微苦，伴随余韵悠长嘅回甘。焙茶味亦以苦味偏低宇治茶粉制成，但唔代表浓度唔够，浓茶控食完非常满足。而伯爵茶则用上法国品牌Mariage Frères嘅岀品，饼皮会见到茶叶碎，店家话会食到佛手柑嘅味道，我觉得仲带啲花香味，三款中佢嘅甜度最高，我觉得抹茶表现最出色。