影片
更多
2014-09-07
623 浏览
冇嚟三角公厕一排，呢日经过几乎改头换面，有啲舖头唔见咗，又有啲新进驻。经过呢间，门口通透企理，与左右两旁嘅韩食店、拉面店、水饺店等截然不同。虽然价钱计埋都要一嚿水落楼，但系女友想食意粉而附近得呢间最似样，就同女友入咗去。入到店内坐低，点完餐之后望住塞紧车嘅街道，完全唔觉自己喺烦嚣闹市！亦都系因为呢只窗同埋清幽冇压迫嘅环境，真系对住呢只窗都可以望成日。卅多度阳光猛烈，一杯冰凉饮品确实好消暑。一杯朱古力，除咗面头忌廉较多似冰山之外（其实都系一杯冻朱），其浓度应该有六十度左右，所以会偏苦一啲，朱古力味道亦都会突出一啲。呢杯系特饮，正价$35，跟All Day Breakfast只须加多十蚊鸡。星期六嘅餐牌，唔觉有set lunch，只好退而求其次揭开主食餐牌。普通嘅主食唔跟饮品，但跟汤或沙律就只需加多十蚊。于是就叫咗碗汤。忌廉同磨菇味道都好浓郁好香滑。可能我哋系全日第一个叫汤嘅客人，所以啖汤都够晒浓味。碟意粉嘅好味之处唔在于海鲜，而系啲蕃茄，意粉嘅色水吸引到我，即使啲三文鱼或者其它配料几咁新鲜都好！而事实亦都系，啲鲜茄味道入晒落意粉里面，食落啖啖都系鲜甜蕃茄味道，因此碟意粉好难唔好味。呢碟A
入到店内坐低，点完餐之后望住塞紧车嘅街道，完全唔觉自己喺烦嚣闹市！亦都系因为呢只窗同埋清幽冇压迫嘅环境，真系对住呢只窗都可以望成日。
卅多度阳光猛烈，一杯冰凉饮品确实好消暑。一杯朱古力，除咗面头忌廉较多似冰山之外（其实都系一杯冻朱），其浓度应该有六十度左右，所以会偏苦一啲，朱古力味道亦都会突出一啲。呢杯系特饮，正价$35，跟All Day Breakfast只须加多十蚊鸡。
星期六嘅餐牌，唔觉有set lunch，只好退而求其次揭开主食餐牌。普通嘅主食唔跟饮品，但跟汤或沙律就只需加多十蚊。于是就叫咗碗汤。忌廉同磨菇味道都好浓郁好香滑。可能我哋系全日第一个叫汤嘅客人，所以啖汤都够晒浓味。
碟意粉嘅好味之处唔在于海鲜，而系啲蕃茄，意粉嘅色水吸引到我，即使啲三文鱼或者其它配料几咁新鲜都好！而事实亦都系，啲鲜茄味道入晒落意粉里面，食落啖啖都系鲜甜蕃茄味道，因此碟意粉好难唔好味。
呢碟All Day Breakfast真系要介绍吓。日光日白食西餐牛扒（唔系茶记或者快餐牛扒）当早餐或午餐，都系第一次。价钱亦都系All Day Breakfast之中最贵嘅($98)，但系唔代表系最好味。沙律捞芝麻酱，唔会差得去边嘅。
牛角包都焗得松化，一层层见得到嘅，少少油腻。
煎蛋其实可以转炒蛋，今次呢只煎双蛋就好似熟咗啲，蛋黄笃穿咗之后都唔流出嚟，实的的嘅，蛋白就够晒滑。
至于块牛扒，抱歉，真系韧咗啲，好难先切得开同咬得到，好实，但系块扒又唔系干㖞，啲肉汁都几香几够味道，用嚟点牛角包或者点返块牛扒都好够肉味。至于系煎得老得滞定系选料问题，就由其他食家去发掘。
食完之后，我同女友都不约而同地讲，唔想走，因为个环境够晒好hea。
题外话/补充资料：
自从佐敦间Delight's Pasta & Sandwich执咗笠之后，喺呢带想揾间类似嘅Cafe都唔易。而呢间小店内有免费WIFI，服务同出品亦唔差，环境舒适，更加系免加一，正正填补返呢带休闲Cafe嘅空缺。
(以上食记乃用户个人意见 , 并不代表OpenRice之观点。)
张贴
