阿里朗韓國餐廳 (已結業)

我地一行5人27-12-06去食饭，第一个超：超级贵，埋单＄１２００，唔系我叫，我唔知食物名，只系记得有：一碟牛肉、一碟猪颈肉、一碟牛仔骨、一个薄饼、一大煲面（但只梗梗分到５碗每碗得半碗）、一碟烤鱼、三杯啤酒、一杯苹果橙汁、一杯红枣茶。第二个超：味道超级普通，同citysuper food court个度食到既韩国菜差唔多，只系food court冇烧烤食到。第三个超：服务态度超差，我朋友叫个苹果橙汁，我地重覆左二次个待仔好似听唔到苹果二个字咁，只系听到鲜橙汁，然后转头就走，到送上枱时，果然只系鲜橙汁，我地当然叫佢换，跟住落单个个待仔走过来问我地：你地唔系话鲜橙汁咩？我地话唔系，重覆左二次比你听，跟住佢就半"掘"住我地咁自言自语：明明系叫鲜橙汁....。呢间咁既餐厅，我有生之年都唔会再去，根本唔值得再佢，亦唔会叫人去。