影片
更多
2018-05-09
5019 浏览
香港嘅拉面店，我最钟情就一定系渔场台风，佢系咪全港最好食我唔敢讲，避免某某党走出嚟话某某先至系世界级，但我可以肯定渔场台风一定系全港宅味最浓嘅拉面店，啲宅味唔系贴几张poster整几件figure就扮得到，而系连员工、食客都系非等闲之辈卧虎藏龙，唔知咁讲店主会唔会怒った呢？适逢三周年庆祝，出咗两日限定嘅海胆拉面，真系要神咁早出去排队，果然未开舖已经排一百几十人，前面有人用tablet打太鼓，后面有人话爆咗几袋UO…呢啲嘢你唔会明嫁喇。当日只卖一款海胆拉面唔需要头痕，只要拣好汤底浓淡同埋落唔落葱就得，不过面质都可以手写决定软硬，我就一定食硬身嘅。讲起上嚟我其实无食过渔场台风嘅拉面，因为我钟意食沾面多啲而沾面只有午市会做。虽然系最忙嘅周年庆，枱面都唔会七国咁乱。墙身有好多客人同餐厅嘅互动，里面真系好多宅嘢…咳咳。唔使好耐拉面就已经做起，呢日排长龙都咁高速真系要用摩打手做嘢。汤底明显比其他拉面舖少，可能浓汤嘅意思就系唔去兑水挂。个浓汤味道就真系好重猪骨味，饮落亦够浆口，咸味重少少啦，或者正常浓度会更适合我。听讲今次嘅猪肉系荷兰猪，荷兰猪又系咪真系荷兰叻啲荷兰好食啲呢？咁佢梗系出色过荷兰叻果个
适逢三周年庆祝，出咗两日限定嘅海胆拉面，真系要神咁早出去排队，果然未开舖已经排一百几十人，前面有人用tablet打太鼓，后面有人话爆咗几袋UO…呢啲嘢你唔会明嫁喇。
当日只卖一款海胆拉面唔需要头痕，只要拣好汤底浓淡同埋落唔落葱就得，不过面质都可以手写决定软硬，我就一定食硬身嘅。讲起上嚟我其实无食过渔场台风嘅拉面，因为我钟意食沾面多啲而沾面只有午市会做。
虽然系最忙嘅周年庆，枱面都唔会七国咁乱。墙身有好多客人同餐厅嘅互动，里面真系好多宅嘢…咳咳。
唔使好耐拉面就已经做起，呢日排长龙都咁高速真系要用摩打手做嘢。汤底明显比其他拉面舖少，可能浓汤嘅意思就系唔去兑水挂。个浓汤味道就真系好重猪骨味，饮落亦够浆口，咸味重少少啦，或者正常浓度会更适合我。
海胆拉面
$50
68 浏览
0 赞好
0 留言
听讲今次嘅猪肉系荷兰猪，荷兰猪又系咪真系荷兰叻啲荷兰好食啲呢？咁佢梗系出色过荷兰叻果个渠头啦，瘦肉嘅部份就韧少少但系肉香味浓，肥肉部份就入口即融充满油香，平时街市啲猪肉梗系比唔上啦。呢度嘅叉烧又比其他舖头嘅厚肉，啱晒我。
61 浏览
0 赞好
0 留言
周年庆嘅面听讲系特制，我无食过呢度嘅拉面底所以比较唔到。落单时要求咗硬面，呢点毫无疑问做得到，食落口硬度够又唔会未熟。面条挂汤能力亦强，吮面时可以将猪骨汤一齐吮入口，唔会比沾面逊色㖞。
44 浏览
0 赞好
0 留言
食拉面溏心蛋就唔少得嘅，不过只蛋蛋唔见咗？得返阿黄系度？平时溏心蛋我就成只啪，既然佢搞成咁我直头打散佢连埋拉面一齐吮落去。就算无咗蛋白都仲有浓厚蛋黄香，一样令人满足。
21 浏览
0 赞好
0 留言
话明海胆拉面，说好的海胆呢？咁系得返呢旧嘢姐？之但系，泡嚟嘅？食一啖，师父明白了。点解只蛋骨肉分离无咗蛋白，因为个蛋白用咗嚟打泡，否则单单系海胆又点会系白色？咁即系有无海胆味呢？系食得出嘅，但味道梗系无直接食一板板咁浓，$50就唔好要求太过份。只用蛋白嘅聪明之处系蛋白几乎无味，所以就唔怕盖过海胆味，同理我觉得唔好同个汤沟埋一齐食，否则就只会食到猪骨味。
30 浏览
0 赞好
0 留言
$50蚊可以食到一碗完整嘅拉面，计埋灯油火蜡人工舖租点都无可能有钱赚，绝对系感谢祭杀必死，为咗以后都有得食周年限定，系要多啲帮衬嘅。
张贴
