回到味來 (已結業)

放题就食得多啦，但系就无食过鸡煲火锅串烧放题。唔系朋友介绍都唔知原来有一间咁多嘢食嘅放题。我觉得同朋友去食饭最啱就系食放题啦，特别系人多嘅时候，都唔知点叫𩠌，食放题就正啦，自己想食咩就叫咩。首先就食咗鸡煲先，我地就拣咗招牌恶魔鸡煲，小辣。鸡嘅分量好多，口感嫩滑，酱汁调味都唔错，其实食一轮都够啦，要留肚食火锅同串烧。我地都好耐无食串烧啦，我地叫咗鸡中翼，鸡肾，五花腩，龙虾丸，台湾肠，鸡脾菇，烧得都唔错，唔会太㶶，味道就稍微咸咗啲，都OK嘅。火锅嘅汤底我地拣咗番茄，配料都系任加，都有成两个雪柜嘅配料，有各款丸类，蔬菜和面类。我就系咁食蟹柳，蟹柳同番茄汤底好夹！饮品都算齐全，汽水同韩国饮品都有齐。作为放题嚟讲，叫嘅嘢都嚟得齐，火锅配料会refill，咁就已经合格！加上味道也不错，食物选择多，我地都觉得呢间放题确系唔错，价钱都OK，每人$188。