Cherry Tokyo Cafe (將軍澳中心) (已結業)

呢间Cafe全港得返一间分店，就系位于将军澳中心中庭嘅位置，环境舒适开扬，装修好有日本风格，木色为主嘅简约风~今次叫咗一份三重芝士味牛肉汉堡🍔&香蒜辣椒鱿鱼意粉🍝三重芝士真系不得了！芝味十足，你见个芝士好厚就知！唔系讲笑，除咗芝士好厚之外，块牛肉都好厚！一啖咬落去个口充满住芝士同牛肉，d肉汁又布满成个口，加上蕃茄+生菜令个汉堡有清新嘅感觉，真系想食多个🤤另外佢嘅薯条都炸得几好，绝对唔油腻！而个鱿鱼意粉就蒜味好够，仲有好多粒添🤣啲意粉充满着蒜头同埋鱿鱼嘅香，都可以一试，但份量我就觉得少咗啲，如果肚饿嘅话就未必够食噜~