影片
更多
2014-11-30
2200 浏览
由于食唔到韩烧，唯有转战食拉面啦~ 我自己谂无可谂，所以就去左棉登径𠮶边食豚王。 其实，我自己对豚王都已经失哂信心，由最初开业，我叫my boy 去左等1个钟都为左食佢碗面，到最近𠮶次食沙田分店，质素同食味千无分别啊! 但人总有神推鬼恐嘅时候，你话到时呢条街间一兰开左，我仲会嚟食嘅话，咁可能我只系贪呢度唔使排队。我地一入到去舖头，店员们讲左一堆日本欢迎我地之后，安排左我地坐嘅位置，就一直用普通话同我讲野，嗱~ 其实我好反感 ! 因为我入嚟已经用广东话同你讲2位，点解你仲要同我讲普通话呢? 好明显店员唔系好留心。店里面有bar枱嘅坐位，好有日本拉面店嘅感觉亦有呢种可以排排坐嘅枱，对比起沙田啲圆枱，呢度总算有返啲食拉面嘅感觉。呢度有餐牌睇到有啲乜野食，店员话今日限定王(酱油王)已经卖哂，但我留意到嘅唔系限定王卖唔卖哂，而系点解以前嘅日本师傅变左做呀婶架?! 我觉得豚王呢种自助式嘅表格剔系好，因为我对面真系好有要求，最低限度我唔想啲面系好「淋」，所以有得剔面嘅软硬度对我嚟讲系好重要。以下系我呢选择~ 枱面上没有日本茶，反而是柠檬水，个水壶仲冒紧水，仲系keep住冻，呢个非常好~ 加上呢度
但人总有神推鬼恐嘅时候，你话到时呢条街间一兰开左，我仲会嚟食嘅话，咁可能我只系贪呢度唔使排队。
我地一入到去舖头，店员们讲左一堆日本欢迎我地之后，安排左我地坐嘅位置，就一直用普通话同我讲野，嗱~ 其实我好反感 ! 因为我入嚟已经用广东话同你讲2位，点解你仲要同我讲普通话呢? 好明显店员唔系好留心。店里面有bar枱嘅坐位，好有日本拉面店嘅感觉
亦有呢种可以排排坐嘅枱，对比起沙田啲圆枱，呢度总算有返啲食拉面嘅感觉。
呢度有餐牌睇到有啲乜野食，店员话今日限定王(酱油王)已经卖哂，但我留意到嘅唔系限定王卖唔卖哂，而系点解以前嘅日本师傅变左做呀婶架?!
我觉得豚王呢种自助式嘅表格剔系好，因为我对面真系好有要求，最低限度我唔想啲面系好「淋」，所以有得剔面嘅软硬度对我嚟讲系好重要。
以下系我呢选择~
枱面上没有日本茶，反而是柠檬水，个水壶仲冒紧水，仲系keep住冻，呢个非常好~
加上呢度好多配料，我特别钟意呢度嘅白芝麻，真系好香啊~
我等左20分钟后，我个赤王终于都嚟啦~ 其实我唔明点解20分钟先上到菜，真系太慢啦嘛...... 汤底比起中环店无咁浓，不过即使我剔汤底普通，都依然系咸，可能再加左一旧辣肉~ 总算系够辣味~
呢个溏心蛋无放系个面度，反而系另上，我觉得个黄唔系好够，同埋几乎系一啲微熟嘅黄都无，还可以啦。
叉烧好薄，好似块烟肉咁，又无乜味，可能真系要叫豚角煮先有返咁上下。面质烟韧，不过我觉得最有拉面嘅口感，始终都系沾面~
总括而言，呢个拉面系普通之上，但又未系叫好好食，豚王竟然比起美心集团旗下嘅五行逊色，老实讲，真系出左名就唔使理个质素? btw, 12月份嘅限定王系生姜王，因为我好钟意食姜，所以我12月一定会去中环豚王食一次 !
张贴
