五月花港台日料理 (已結業)

标榜港日台任食既一间餐厅，老实讲，唔系赴约都唔会去。因为三样都识整即系冇样野整得好好食。入到去食到o的装修都几舒服，位都算阔落，系枱面摆左一旧冇水既瀑布摆设，阻碇兼唔知想点。可以食既野都系大路野，先讲日式，都系刺身寿司天妇罗拉面之类。刺身虽然细旧但系几新鲜，冇雪味。寿司o的饭松泡泡一夹就散，失败。天妇罗炸得几好，不过o的粉厚左o的。拉面...佢不如煮个出前一丁俾我食算。再讲港式，都系火锅小炒之类。煮蚬／炒蚬叫做冇沙，但系冇乜味。火锅算系唔错，材料几新鲜。生炒排骨，尚算可以。其实仲叫左好多野想试，不过有o的冇黎到。同枱其他人叫左唔同既台式特饮，不过最后都系跟我饮罐装饮品。最后讲服务，o的侍应攞野黎系要你揾人接住佢就会走。完全冇帮你收野走既企图，我地将o的吉碟摆系卡位同卡位中间等佢地得闲先攞走，点知有个貌似经理既物体同话我地咁样会阻住后面枱既客人。当我问佢"但系你冇人收野咪阻住我啰?" 佢竟然同我讲"总之你咁样就唔得喇!" 跟住就走左去，呢o的服务态度简直系一流。未到九点佢又黎问 "你地o的野叫晒未, last order!"，真系忍住寸返佢"我地就叫齐喇，不过有几样野催左个几钟都未有，唔