天星雲南米線

营业中

休息中

第一次嚟食天星系食酸辣少辣，佢个酸好单调，感觉佢既酸系用左醋嚟佢吊起佢 。唔系好觉系酸菜，如果用酸菜好食好多 。朋友话佢嘅猪软骨系全港最好食，我本身唔算meat lover, 食米线第一选择都唔会系猪软骨 。今次特登叫左猪软骨嚟食，佢系好入味同淋，连软骨都入晒味 ，又大份。系好食不过稍嫌调味过重。食多几啖好腻 。第二次改食麻酸辣少辣，今次食完令我对佢地个汤底改观 。麻同酸夹埋一齐食得好过瘾 。建议大家可以叫蜂巢豆腐，连埋汤汁咁食超级好食。反而今次可能有麻辣，唔系好focus佢个酸 。所以麻酸辣比酸辣嘅汤底好食好多。第三次都系食返麻酸辣，不过今次个麻酸辣变左浓味重口味 。食到一半已经食不下去 。冇第二次一路食一路又麻又酸辣咁过瘾 。总括嚟讲，佢哋煮汤底嘅质素应该唔系好稳定。同一个汤底两次食都有差，而且差距都几远 。舖头比较长同窄，坐位来说唔算舒服同宽敞 。好食既酸辣/麻酸辣米线除左老板娘真系只有老板娘吗？