勇記海南雞 (隆基大樓)

营业中

休息中

最近工作量大，忙里偷闲地拎咗日假，于是约朋友一齐到勇记海南鸡探店。今次己是第3次探店，前2次都食唔到，今次终于食到。我同朋友3点09分到，前面约有6-7人排队，而等外卖嘅都有4-5人，果然好野食系多人帮衬。等左约10分钟左右，终于轮到我，店内空间唔算好大，但环境算干净，我地被安排在靠墙壁位置。拎起餐牌，纸质印刷几精美同埋都好新，我叫左海南鸡laksa朋友叫左海南鸡油饭，原本想叫鸡汤但已经沽清，唯有试吓花茶。等左5-8钟左右，朋友嘅海南鸡油饭到咗，个碟几大😂但份量略少，如果系男士食可能会唔够饱，隔左一阵我嘅海南鸡laksa都到咗，份量比海南鸡油饭大而且俾咗鸡髀位我。鸡皮好爽好弹，皮下脂肪唔厚，食多2件都唔会有罪恶感，鸡肉食落好滑，鸡味亦好重唯美中不足嘅系今日食嘅鸡冇啫喱状在鸡皮下（见好多人都话有），油饭d饭粒粒分明煮得啱啱好，金黄色嘅饭上面舖左少少炸蒜令个油饭再添加香味。laksa黎讲，个汤底属于偏甜少少嘅，比较重奶香味，而佢用嘅米线同谭仔嘅好唔同系偏幼身但有少少🤏烟韧嘅感觉，系好食嘅。而我觉得最惊系嘅系个酱，真系好好食，食到香茅同青柠味，有少少🤏辣味，好野味。