雲泉素食中心

营业中

休息中

大家唔好以为我玩野，又写云泉仙馆，利申先，我无收受任何利益，我亦都等紧做佢地嘅代言人，只系佢地无揾过我。今日系今年第三次来，由于已经系识途幼马，但又未去到十几廿人，于是就散叫一啲未食过嘅𩠌。鲍鱼菇扒豆苗︰正常发挥。呢味生菜纲鲍甫，爽过真鲍，而且够鲍鱼味，可以以假乱真。五柳素石斑系唯一一款重叫嘅野食，同之前食嘅西柠软鸭不相伯仲，平分春色，只系因为上次又食西柠鸭，所以今次食芋头鱼。佢一如以往咁好味，无敏感者必食。呢客椒盐鱼豆腐，绝对系颠覆我对豆腐嘅了解，因为佢超弹牙，Q弹Q弹，而且椒盐味够，食一旧就想食第二旧，简直停唔到口啊﹗鸿运乳猪件：真系(似)乳猪，又有脆皮，绝对童叟无欺。其实呢样先系主菜，喺度再介绍多次。经过我严谨精密嘅推论，再加上亲自向餐厅姐姐求证，原来呢度嘅白粥之所以咁好味，系因为落咗腐竹同白果，令到平平无奇嘅白粥，隐约渗出一股香气，呢股香气系一个试炼，如果你唔系一个心平气和嘅人，绝对食唔出呢股香气。所以入来食斋，必先劳其筋骨，饿其体肤，清心寡欲，先至可以食多几粥，清晒啲斋菜，唔会浪费食物。