瀛本壽司 (已結業)

自选三色丼定食🍱 ($88)特登出新蒲岗食尼个午市定食，真系抵到不得了👍🏻。可以系鱼生饭、三文鱼饭、吞拿鱼饭、鳗鱼饭、天妇罗饭、牛肉饭，六款入面自己拣三款。食既系三文鱼、鳗鱼、牛肉三款，一上枱，哗好多野啊🙀。先试试蒸蛋，几滑不过比较轻口味。仲有芝麻酱青瓜当沙律食下🍃。饮啖味噌汤就开始食饭🍚啦喂。三文鱼几新鲜，切得几薄不过都有好几块，话咁快食完一碗😋。鳗鱼份量都几多，唔腥又冇骨，合格有突！牛肉饭好多三色椒，加埋洋葱，整体味道偏甜，有唔少牛肉汁💦，三两下又食埋。其实每款都唔大碗，但食三碗都咪话唔饱。