影片
更多
2020-04-15
3323 浏览
无论晌屋企，抑或晌街，早餐食得都喺西化啲，大多数离唔开面包、三文治，再加杯咖啡。不过，今朝就贪得意，一支公嚟到「吉野家」食早饭，都喺听朋友讲佢哋最近有款慢活の朝食「三味盛合」，觉得几抵吓，所以，就揾个朝早过嚟试试。疫情下，餐厅都做足防护措施，入门口要量体温，并备有消毒搓手液。而餐厅里面主要喺4人枱，为保持社交距离，部份枱被弃用，就算4人枱都被减至二人用。但引发另一个问题，就喺由于少咁好多位，其实堂食客整体都唔多，但都要揾位坐架，所以却变相被逼搭枱。早餐时段都有好多选择，有西式，有日式，不过，重点就讲番个「三味盛合」早餐。以三文鱼茶渍饭做胆，配和风牛肉或野菜煎鸡，再搭温泉玉子或胡麻豆腐组合成「三味」，配日本茶，套餐价$25。三味盛合 $25嚟「吉野家」就梗喺食其和风牛肉啦，所以，小弟就拣三文鱼茶渍饭、和风牛肉、温泉玉子嘅组合，但就改饮咖啡醒醒神。虽然话喺茶渍饭，不过，单单饮啲「茶」似喺鲣鱼汤，斋饮都唔错架㖞。由于有温泉蛋，所以，先捞埋落啲三文鱼饭一齐食，日本蛋果然宁舍香滑，做成「窝蛋饭」都好正。不过，咁食法啲三文鱼比较咸，所以，都喺做番茶渍饭会平衡啲。「吉野家」啲牛肉一向都唔错，都几腍几
疫情下，餐厅都做足防护措施，入门口要量体温，并备有消毒搓手液。而餐厅里面主要喺4人枱，为保持社交距离，部份枱被弃用，就算4人枱都被减至二人用。但引发另一个问题，就喺由于少咁好多位，其实堂食客整体都唔多，但都要揾位坐架，所以却变相被逼搭枱。
早餐时段都有好多选择，有西式，有日式，不过，重点就讲番个「三味盛合」早餐。以三文鱼茶渍饭做胆，配和风牛肉或野菜煎鸡，再搭温泉玉子或胡麻豆腐组合成「三味」，配日本茶，套餐价$25。
三味盛合 $25嚟「吉野家」就梗喺食其和风牛肉啦，所以，小弟就拣三文鱼茶渍饭、和风牛肉、温泉玉子嘅组合，但就改饮咖啡醒醒神。
虽然话喺茶渍饭，不过，单单饮啲「茶」似喺鲣鱼汤，斋饮都唔错架㖞。
由于有温泉蛋，所以，先捞埋落啲三文鱼饭一齐食，日本蛋果然宁舍香滑，做成「窝蛋饭」都好正。不过，咁食法啲三文鱼比较咸，所以，都喺做番茶渍饭会平衡啲。
「吉野家」啲牛肉一向都唔错，都几腍几滑，一啖饭，一啖牛肉，算喺一餐奢侈嘅早餐。
热咖啡 +$2套餐附送日本茶，如改其他饮品需加钱。虽然唔喺咩靓嘢，但饮落唔喺差㖞，始终，你嚟「吉野家」都唔喺一心想叹咖啡架啦，只喺过过口瘾而已。
食完个「早饭」，真心觉得抵，无论食物嘅质素、份量，以廿五蚊而言，真喺交足货。只喺依家疫情关系，唔可以慢慢hea，食完都匆匆离开，唔好挜住张枱，俾啲位予其他食客。
张贴
