Italiano's Restaurant & Bar (已結業)

由年头食到年尾，水准保持到，系我同男朋友最爱晚饭地方之一！环境舒服，包包我最爱沾上意大利黑醋！每次去前都一定会打去订位 + 留一打纽西兰青口！♥ 忌廉汁纽西兰青口 ♥ ：每次入去必食！忌廉汁够香滑，但又唔会抢o左青口鲜美，青口肉厚！推荐！♥ 洋葱圈 ♥ ：外层够香脆，洋葱香甜，加上一咬开就断，唔会成条出，正！推荐！♥ 意式并盘 ♥ ：意式风干肉肠芝士并盘，唯一系芝士唔太o岩男朋友，所以之后去都冇叫，但整体都好好味！推荐！♥ 芝士烟肉汁蛋阔面 ♥ ：芝士烟肉汁够香浓，但面质偏软，如果可以硬一点，成个就完美喇！♥ 香蒜牛油汁焗澳洲大虾 ♥ ：开边后有 3 边大虾，已经好够食！成旧肉拆出o黎啖啖肉，香蒜牛油汁香浓，焗得o岩o岩好！推荐！♥ 香草汁羊架 ♥ ：男朋友话好好食！♥ 开心果芭菲蛋糕 ♥ ：好好好好好味！雪到实o左似蛋糕，放到口中即会溶化，开心果好香，其实果仁味都配搭得非常好！食到停唔到口！推荐！平日去食两位约 $700，除夕就 $1000 - $1200