滿屋雞蛋仔 (已結業)

呢间餐厅都几特别，里面有精品店，而外面就有位坐既，仲有Pizza、饮品，而鸡蛋仔啲款都几新潮，依家仲有脏脏鸡蛋仔，而且鸡蛋仔都有酱点黎食！睇评语话个软心朱古力好食，一心想黎试，点知暂停供应，于是就叫左绿茶味+oreo，叫左朱古力酱。佢个鸡蛋仔仲要有佢地品牌公仔既样，都几得意啊，初初食就都好脆，一粒粒鸡蛋仔里面都好满绿茶浆，但啲oreo饼碎就放得吾太平均，外围个啲基本上无既，中间就过多，但绿茶同oreo一齐食其实食吾出佢地本身既味，呢个有点失分！好彩佢有朱古力酱，叫做提到啲味啦！之后食到一半，下半既鸡蛋仔开始变淋，亦都好难一粒粒met黎食，仲要愈met愈烂，直程食到上下分开左，食到呢个程度很失望呢，令我都吾想再试第二次⋯⋯尚有很多改善空间！