馬仔粉麵

营业中

休息中

认真系麻甩佬打边炉最佳之选！成班大男人饮饱食醉都只系每人两旧水！虽然系市政局街市食堂，地方都算坐得几舒服、通风好又唔逼夹。最紧要系阿姐态度非常友善，食几次认得我班人之后好似返屋企食饭咁亲切！食物方面，虽然唔系山珍海味，但系性价比上应真系冇得弹！牛肉＄200到一大碟，虽然系雪牛但系肉味及肉质一都唔差，好过好多火锅店声称机刨「本地手切肥牛」。分量方面一碟顶人碟半至两碟！更加值得一赞系脆骨腩，一丁点泥味都无、好食！P.S. 顺带一提，系马仔记食饭仲可以叫埋隔离泰国菜食又有椰青、小食同甜品。不过卫生方面就冇马仔咁好啦、有一次我食到只小强事后佢请返我饮支啤酒就算数。