平靚正西餐 (已結業)

呢一日屋企唔想煮饭，想买啲唔同嘅嘢做外卖， 漫无目的周围行嘅时候，见到平靓正餐西餐， 价钱相宜，畀个机会佢啦。本身支持环保，因为预咗外卖，所以我带定几个盒。见到店舖都有宣传：如果自备餐盒、餐具等所有嘢，可以减两蚊！欣赏佢哋鼓励环保！叫咗好多小食，包括香脆鸡翼、宜兰葱肉馅饼、黑松露薯角、蛋饼（芝士+肉松），唔够盒所以佢哋张几样小食同我装落一个盒到，都几好呀咁样。鸡翼好大只！脆卜卜，黑椒味为主，今次小食s中我最钟意佢~ 馅饼系其他地方都未食过，似煎迷你菜肉包，馅料整得几惹味；薯角会伴随沙律酱同黑松露酱，好香；蛋饼嘅份量好适合做下午茶，做正餐又细件咗，做小食又多咗啲，芝士肉松量平均。主菜就叫咗卡邦尼带子转大通粉、肉酱鸡扒扁意粉，另外加忌廉汤同蒜蓉包。 要重点提及蒜蓉包，超香！我忍唔住系舖头就即刻食咗件，应该系用长条法包整，切开四件，外层微脆，中间软熟，蒜蓉酱厚厚一层，推荐大家必order！蒜蓉迷一定很满意！ 卡邦尼𠮶碟我就冇试，不过屋企人话带子几好食。我自己就满意肉酱，酸甜度正好。总括黎讲对得住餐厅名，又平又几靓！