囍滿庭海鮮酒家 (已結業)

刚刚上个星期四同几位同事上去呢间酒家午膳，三面落地玻璃窗对正个海，环境一流~食物方面，推介有:厨王炒饭我觉得佢个厨王炒饭系必须一试!饭身炒得非常爽身，而且落油唔多, 一d都唔肥腻，但就非常有镬气，对于无靓饭不欢的我，呢个饭真的有酒店级质素，但只系餐厅级价钱，超抵食，最紧要系要够好食!!竹筒汤另一必食系佢既竹筒汤，(虽然佢既例汤真系无落到味精，唔似出面其他酒楼个d声称话无用味精，但饮完条脷都系咁口渴~)我始终都系最钟意佢既竹筒汤，上枱时非常够热，里面仲放左马蹄，仲埋好多干瑶柱，唔怪得唔驶落味精，个汤够哂鲜味，非常好味。油鸡油鸡系另一必食的食品，鸡味十足，生熟度啱啱，唔会见到我地女士们最怕见到既红血班，但好难得地肉地都非常鲜嫩，好好味，最啱不喜欢食白切鸡既我。至于服务方面，今次系我过年后第一次去，舖面明显增加了人手，觉得服务质素提升了很多，今次觉得楼面侍应很helpful很殷勤，可能有食客向酒楼反映过，侍应质素比之前改善了很多，此举值得一赞!整体来说，对此酒家感觉很好!!