影片
更多
2023-11-16
1065 浏览
星期六通常都同老婆出去食早餐，有时天气好嘅话都顺便行埋山，今朝早见天气一般般，唔太好亦唔太差，稳稳阵阵起见，就唔入马骝山，由美孚行上「华景」，食个早餐再行另一边山路落返美孚，而上到「华景」餐厅就喺得呢间「百分百」。 呢度都嚟过好几次食晏或下午茶，环境就唔多讲啦，总之地方算几大，座位阔落，同埋客人真喺唔多，有嘅都喺「华景」啲街坊客，相信区外客都冇乜几个。 早餐餐牌，两大版，都有几多唔同类别嘅选择，其实都喺大同小异，定价跟同一般茶记相约。 老规矩，枱侧抽柜放晒所有餐具、基本调味料，放得整齐，想要热水就要出去自己斟。 蕃茄浓汤通粉面餐 $37老婆一睇早餐选项二话不说就喺拣蕃茄浓汤系列，可以拣两款𩠌料，佢就要餐肉、熟蛋，拣食通粉，都几大碗吓，而且，唔好睇以为得几嚿餐肉，原来沉咗底，都有几多。个汤都唔错，几够蕃茄香味，酸酸香香，饮落醒神，啲通粉亦煮得啱啱好。 沙嗲牛肉即食面餐 $39小弟嘅即食面餐就可以拣多一款𩠌，已有沙嗲牛肉，所以，拣半焗流心蛋，只蛋确喺煎得好靓仔，笃穿个蛋黄用嚟捞面食就最正。个汤底喺一般嘅清鸡汤，但沟埋啲沙嗲汁又几唔错，而牛肉又几腍滑，啲面都OK，所以，整体嚟讲都收货架喇。
呢度都嚟过好几次食晏或下午茶，环境就唔多讲啦，总之地方算几大，座位阔落，同埋客人真喺唔多，有嘅都喺「华景」啲街坊客，相信区外客都冇乜几个。
早餐餐牌，两大版，都有几多唔同类别嘅选择，其实都喺大同小异，定价跟同一般茶记相约。
老规矩，枱侧抽柜放晒所有餐具、基本调味料，放得整齐，想要热水就要出去自己斟。
蕃茄浓汤通粉面餐 $37老婆一睇早餐选项二话不说就喺拣蕃茄浓汤系列，可以拣两款𩠌料，佢就要餐肉、熟蛋，拣食通粉，都几大碗吓，而且，唔好睇以为得几嚿餐肉，原来沉咗底，都有几多。个汤都唔错，几够蕃茄香味，酸酸香香，饮落醒神，啲通粉亦煮得啱啱好。
沙嗲牛肉即食面餐 $39小弟嘅即食面餐就可以拣多一款𩠌，已有沙嗲牛肉，所以，拣半焗流心蛋，只蛋确喺煎得好靓仔，笃穿个蛋黄用嚟捞面食就最正。个汤底喺一般嘅清鸡汤，但沟埋啲沙嗲汁又几唔错，而牛肉又几腍滑，啲面都OK，所以，整体嚟讲都收货架喇。
热咖啡、热柠水佢哋呢度啲即磨咖啡确喺几香，所以，都喺拣番饮热咖啡就最稳阵，另外，佢哋冲热柠水喺用上冷压嘅柠檬汁，可以讲有好有唔好啦，我就较钟意一片片嘅柠檬自己笃，因为可以控制个酸度啰。
今餐食到饱饱再落山，而天气保持住阴阴凉凉，又仲未落雨，感觉非常舒服。
张贴
