南小館 (已結業)

星期六同朋友行尖沙咀，不知不觉行到6点，一于食埋晚饭先返屋企。想食上海野，就拣左南小馆。六点三去到已经一半full左，好彩行快两步啫。一坐底先上小食，上茶，服务殷勤。必叫的致爱—花雕醉鸡。鸡肉好有酒味，肉质又滑，仲要凉浸浸，啱晒夏天😎😎。叫左碗牛肉面和阳春面，汤汁惹味，面条弹牙，牛肉够晒淋。白菜肉丝炒年糕好入味，烟烟韧韧，食极都唔够。而鲜肉小笼包一笼五个，一咬落去，好多汤汁，好鲜甜，皮又薄，下次黎想试埋无钖小笼包😌。另外一定要推介松子鱼（$168），好少地方煮得好食，但系南小馆的松子鱼我每次都会叫，酸酸甜甜，配饭食一流👍🏻👍🏻。最后系酒酿丸子，好香桂花味，配粒粒酒糟，加超多QQ小丸子，又一必叫食品😋。