譚仔雲南米線 (沙田中心)

营业中

休息中

话说我真系好钟意食米线，一个人谂唔到食咩？食米线啦！咁今日又嚟食米线喇。其实我平时系食开三哥嘅。见今日心痒痒得嚟又想搞搞新意思。咁就食谭仔云南米线啦😜今日系自疫情以嚟首个放宽夜晚堂食嘅星期五晚上。食店嘅人流比我想像中少。唔通大家都习惯咗系屋企食晚饭？是日叫咗鸡肉鱼腐麻辣中辣米线，加杯冻奶茶。首先杯奶茶我系叫少冰，但系冰嘅数量都唔少。fine, 奶茶得个甜字。奶味唔浓。望落去就知辣。鱼腐索晒啲汤汁，咬落去有爆汁嘅效果。配料腐竹比较少，揾晒成碗得两少块。鸡肉数量亦唔见得多。但好彩嘅系米线煮得比较淋身，亦都索咗好多汤汁。啱我口味。