影片
更多
2022-06-27
611 浏览
难得平日放一日假，约屋企人香港半日游，谂谂下都有6-7年无上过山顶，衬而家游客少好多，一于再访呢个游客胜地，支持一下本土经济😆山顶大风，广场又冷气大，决定揾啲热野食落肚，行行下见到鼎爷个唛头，又sell炖汤烧味好似唔错，就食呢间😋🌕宁神川芎白芷天麻炖鸡汤［炖汤套餐·烧鹅拼叉烧饭，双并+$10］💲168+10🌟冷气吹到头重重，特登叫盅川芎白芷天麻炖鸡汤，呢个汤功效活血行气去头风，啱啱好当食疗对症下药🤤睇返个汤好足料，炖到好浓郁，饮紧啲汤料炖出黎既精华，加上甘甘地既药材味，饮完成身暖晒！☺ 🌕烧鹅拼叉烧饭见佢标榜用荔枝柴烧既烧鹅，就试试佢，冻左少少皮都系脆，有炭香，鹅肉入味，早知加少少钱鹅胸位转鹅脾，咁就完美! 叉烧真系睇烧味师父既心机同功力，所以再加$10双并加叉烧，叉烧一食真系有惊喜，一入口第一下玫瑰露香冲出黎，慢慢咀嚼发觉满口油香，半肥瘦带少少㶶边😍😍无懈可击😆 🌕海底椰虫草花炖乳鸽汤［炖汤套餐·烧腩仔濑粉，转濑粉+$10］ 💲178+10🌟一样系炖汤套餐，今次叫左海底椰虫草花炖乳鸽汤，呢个就滋阴补虚，强肾润燥。个炖汤一样好足料浓郁，味道相对上无之前果个咁有药材味，反而系海底椰加乳鸽
难得平日放一日假，约屋企人香港半日游，谂谂下都有6-7年无上过山顶，衬而家游客少好多，一于再访呢个游客胜地，支持一下本土经济😆
山顶大风，广场又冷气大，决定揾啲热野食落肚，行行下见到鼎爷个唛头，又sell炖汤烧味好似唔错，就食呢间😋
🌕宁神川芎白芷天麻炖鸡汤［炖汤套餐·烧鹅拼叉烧饭，双并+$10］💲168+10🌟
冷气吹到头重重，特登叫盅川芎白芷天麻炖鸡汤，呢个汤功效活血行气去头风，啱啱好当食疗对症下药🤤睇返个汤好足料，炖到好浓郁，饮紧啲汤料炖出黎既精华，加上甘甘地既药材味，饮完成身暖晒！☺
🌕烧鹅拼叉烧饭
见佢标榜用荔枝柴烧既烧鹅，就试试佢，冻左少少皮都系脆，有炭香，鹅肉入味，早知加少少钱鹅胸位转鹅脾，咁就完美! 叉烧真系睇烧味师父既心机同功力，所以再加$10双并加叉烧，叉烧一食真系有惊喜，一入口第一下玫瑰露香冲出黎，慢慢咀嚼发觉满口油香，半肥瘦带少少㶶边😍😍无懈可击😆
🌕海底椰虫草花炖乳鸽汤［炖汤套餐·烧腩仔濑粉，转濑粉+$10］ 💲178+10🌟
一样系炖汤套餐，今次叫左海底椰虫草花炖乳鸽汤，呢个就滋阴补虚，强肾润燥。个炖汤一样好足料浓郁，味道相对上无之前果个咁有药材味，反而系海底椰加乳鸽有一种鲜甜味，饮落好滋润鲜甜既感觉。
🌕烧腩仔濑粉
见有烧腩仔拣即刻拣，上枱估唔到份量都唔少。食落去，皮够香脆，肉入味唔死实，五花肥肉比例啱啱好！有得转濑粉即转，无原因，食烧味并濑粉，定律嚟🤣
🌕油菜［菜心］💲28🌟
张贴
