八居酒屋 (旺角新城)

营业中

休息中

星期五放工系旺角做facial，之后约左朋友dinner。去左间上楼既居酒屋， 旺中带静。 餐桌以木系为主，日式极简风装潢令人舒服自在。 食物种类非常多元化，有寿司、串烧、锅物、丼饭等。明太子玉子烧 $60玉子烧蛋味香浓而且十分嫰滑，口感绵密松软，仲要配搭埋明太子酱微微炙烧，咸香惹味。火炙三文鱼寿司 $28肥美既三文鱼 ，经火炙后鲜味提升，闻到阵阵焦香味，口感丰富。岩盐炙烧三文鱼腩寿司 $36三文鱼腩炙烧后鱼油更浓郁香气，肥美嫩滑，入口即溶，加上岩盐更显油脂感，超级好味! 想再encore 😋!金龙烧 $75牛油果口感绵滑，中间卷住香脆既吉列炸虾，口感丰富。面头加上蛋黄酱作点缀，滋味满满。盐烧牛舌 $58牛舌十分厚身😍，牛肉味够晒浓郁，软嫩多汁，丰富既油花，简单以少量盐调味已经好正！八居蟹王炒饭 $148见到呢款菜式系时令推介，果然唔错！饭粒炒到粒粒通透干身，夹杂住镬气同埋油香，仲有丝丝蟹肉同姜丝，非常惹味。