影片
更多
2018-08-02
800 浏览
早排叫朋友帮我买咗啲嘢，交收完就一齐去食晚饭。我哋去咗旺角呢一间楼上嘅「私家厨房」，听闻呢到嘅𩠌除咗够大碟，而且仲镬气十足，所以唔可以错过。是日一行人四个人，都叫咗相当多野食，事关环境唔同大排档，冷气十足岩哂我地呢班怕热嘅人士，就可以慢慢食一边倾计。二话不说，柯打咗嘅OK汁煎南非大虎虾、脆皮德国咸猪手都一齐上菜。大虎虾除咗炒得香脆，而且仲大只夹弹牙，呢种调味同煮法真系无得输，非常开胃，可以食几碗饭。至于猪手皮就焗得非常脆口，但内里嘅肉就非常林身，可以点蘸隔离泰式嘅酸汁，又另一种风味。接住到嘅系笼仔荷叶海龙皇蒸饭、姜葱焗美国桶蚝、烧汁脆米安格斯牛粒。蒸饭比想像中更大盘，分别有鱼虾蟹铺面，带阵阵蒜香豉油味，随之仲有淡淡嘅荷叶香，海鲜嘅鲜味完全融入到米粒里面，味道一流。而桶蚝更为夸张，由于用瓦锅热住上菜，故里面嘅葱同蚝仍滋滋作响，众人都哗然，除咗香味扑鼻，只桶蚝果然足料，一共六只都大大只：点样分呢。起筷，桶蚝充满鲜味且啖啖肉，夹埋姜葱食成件事惹味更多，令人欲罢不能。至于牛肉粒相比之下较逊色，因为调味似乎重手咗，口味太咸，但不得不提小菜里除咗有牛肉粒，仲有一啲茄子切咗粒混合其中，结果一齐食又几
二话不说，柯打咗嘅OK汁煎南非大虎虾、脆皮德国咸猪手都一齐上菜。大虎虾除咗炒得香脆，而且仲大只夹弹牙，呢种调味同煮法真系无得输，非常开胃，可以食几碗饭。至于猪手皮就焗得非常脆口，但内里嘅肉就非常林身，可以点蘸隔离泰式嘅酸汁，又另一种风味。
接住到嘅系笼仔荷叶海龙皇蒸饭、姜葱焗美国桶蚝、烧汁脆米安格斯牛粒。蒸饭比想像中更大盘，分别有鱼虾蟹铺面，带阵阵蒜香豉油味，随之仲有淡淡嘅荷叶香，海鲜嘅鲜味完全融入到米粒里面，味道一流。而桶蚝更为夸张，由于用瓦锅热住上菜，故里面嘅葱同蚝仍滋滋作响，众人都哗然，除咗香味扑鼻，只桶蚝果然足料，一共六只都大大只：点样分呢。起筷，桶蚝充满鲜味且啖啖肉，夹埋姜葱食成件事惹味更多，令人欲罢不能。至于牛肉粒相比之下较逊色，因为调味似乎重手咗，口味太咸，但不得不提小菜里除咗有牛肉粒，仲有一啲茄子切咗粒混合其中，结果一齐食又几夹，只要唔太咸。
其后有即叫即炸生炒骨、拍蒜炒油麦菜、怀旧琵琶豆腐。生炒骨意想不到地大碟，入口非常脆同热，果然系即叫即炸。食咁多重味小菜，油麦菜最岩中和一下口中嘅味道，大大碟四个人都食唔哂。最后琵琶豆腐即系豆腐同鲮鱼肉混合再煮嘅一道小菜，有种接近食斋嘅感觉，芡汁调味适中，鲮鱼肉新鲜，入口唔会觉腥。
总结，无谂到小菜嘅份量都几多，食到最后真系太饱而需要打包。所以建议四个人的话，大概叫4至5个菜再配饭，应该都够饱。
张贴
