正斗粥麵專家

营业中

休息中

放工即刻到机场，未食晚饭真几肚饿㗎，赶时间快快check in入闸再揾食啦，闸口在七号，近近地就上二楼个food court睇下有咩食，原来大部分的餐厅都未开，得泰国菜，新加坡同正斗，咁就食正斗啦。就快十一点都仲好多人买野食，店细细但有成七个员工企楼面，仲多过街舖，果然系讲求效率的香港机场。原汁柱侯牛腩面细细碗68蚊，同街边价都唔系差好远，机场预左系贵啲㗎啦。牛腩软腍入味，半肥瘦一啲都唔鞋，牛筋好滑，咬落黏口好正。面爽口，碱水味重。汤底汤郁，满满的腩汁超正。系就系贵啲，又细碗，但几好味噃。