世窗冰室 (已結業)

阵间出发去泰国布吉玩几日，依家快快医肚先，因为飞机吾包飞机餐，sad。我想拣间港式茶记，世窗冰室可谓唯一之选。快快坐低拣野食！Menu款色都几多：有粉、面、饭，有扒餐，有西餐，有三文治，有小食，有多士，有即食面通粉，有汤粉面，有常餐特餐，应有尽有！我最尾拣咗厨师精选：五香肉丁炒即食面配冻柠茶。相当大碟！而且炒得好香！根据目测，绝对系有至少两个即食面底。色水好够，应该落得好多老抽。再配埋杯冻柠茶，直头大满足！