影片
更多
2013-04-01
8 浏览
12月1日, 上次嚟谂住用个团购卷, 点知未到日子, 今日就真系食个认真嘅, 座位唔多, 所以都要等一阵~ 睇完个menu, 都好似甜食比较特别, 我地就分别叫咗个拿破仑同窝夫~::: 香蕉朱古力榛子酱拿破仑 ::: $33卖相精致, 一层一层嘅酥皮, 夹著一粒一粒嘅榛子慕司酱球, 面头嘅香蕉片加上糖粉微微炙过, 外围又再洒一d朱古力粒, 令人食欲大增~ 酥皮香脆得嚟唔韧, 好易就切得开, 咬口十分松脆, 捞埋中间𠮶d榛子酱更加美味, 榛子味唔系太甜好易入口, 质地又够滑嫩, 涂满喺块酥皮上再食够晒滋味~ 香蕉有微微嘅焦糖香, 虽然唔系咩靓货但系都有心思, 唔错~ 但系最格格不入道系个d朱古力粒, 作为点缀ok, 不过味道唔系太夹个拿破仑, 就咁食就ok 啰, 但唔需要摆喺呢个dish作为材料之一.::: 柠檬脆糖窝夫 ::: $39平时食嘅窝夫大多都系配糖浆, 又或者朱古力酱呢d偏甜嘅酱汁, 又或者配上甜甜嘅雪糕~ 呢个柠檬脆糖个味道就系偏酸, 令我有一种怪怪嘅感觉, 一旧旧嘅脆糖咬落好硬, 绝对唔可以整散佢配窝夫一啖啖食, 所以一大旧甜野放入口, 好甜好甜, 又带柠檬嘅酸味… 唔计
::: 香蕉朱古力榛子酱拿破仑 ::: $33
卖相精致, 一层一层嘅酥皮, 夹著一粒一粒嘅榛子慕司酱球, 面头嘅香蕉片加上糖粉微微炙过, 外围又再洒一d朱古力粒, 令人食欲大增~ 酥皮香脆得嚟唔韧, 好易就切得开, 咬口十分松脆, 捞埋中间𠮶d榛子酱更加美味, 榛子味唔系太甜好易入口, 质地又够滑嫩, 涂满喺块酥皮上再食够晒滋味~ 香蕉有微微嘅焦糖香, 虽然唔系咩靓货但系都有心思, 唔错~ 但系最格格不入道系个d朱古力粒, 作为点缀ok, 不过味道唔系太夹个拿破仑, 就咁食就ok 啰, 但唔需要摆喺呢个dish作为材料之一.
::: 柠檬脆糖窝夫 ::: $39
平时食嘅窝夫大多都系配糖浆, 又或者朱古力酱呢d偏甜嘅酱汁, 又或者配上甜甜嘅雪糕~ 呢个柠檬脆糖个味道就系偏酸, 令我有一种怪怪嘅感觉, 一旧旧嘅脆糖咬落好硬, 绝对唔可以整散佢配窝夫一啖啖食, 所以一大旧甜野放入口, 好甜好甜, 又带柠檬嘅酸味… 唔计个酱, 窝夫本身好脆口, 蛋味丰富亦带㶶香, 系食过咁多窝夫比较好食嘅~ 加上云呢拿雪糕球质地滑溜, 睇得到有粒粒云呢拿籽,都似系中高级货色, 配窝夫食有齐冷热感, 唔同嘅口感一次过体验晒~
今次嘅认真食, 感觉拿破仑比窝夫好味, 卖相都系个拿破仑赢晒~ 尤其个榛子酱, 味道调制得刚好, 水准属中上~ 环境唔算好宽广, 座位系有d窄, 毕竟成间舖都系细, 要摆20多个座位有难道. 见佢地有d咸食, all day breakfast呀炸鸡翼呢d小食等等, 所以下次有机会都会再食~
张贴
