小王牛肉麵 (已結業)

上次同女朋友食过半筋肉面，同盐酥蚝同豆腐都几好味，谂住今日再去，点知今日水准劲差，照旧叫个筋肉面，再加个牛三宝面，筋肉正正常常，但系个牛三宝既牛肚，食落口又韧又柴，有小小似咬紧条抺布跟住叫左三个小食，照旧叫盐酥蚝同豆腐，今次加个盐酥鸡，今次啲小食炸到好干，豆腐就炸到变豆渣，炸蚝同鸡就好似炸完放左好耐再反炸，得返啲炸粉味，叫左两杯野饮，一杯水果茉莉茶，一杯水果花茶，水果茉莉茶就冇咩味，有小小似饮紧啲果汁先生加冰，放到啲冰融晒沟淡晒果阵味，水唔似水，茶唔似茶，水果花茶味度就，如果食得酸野，应该会觉得几好挂，但系我应该唔食得太酸，饮左两啖就再冇掂过杯野。唔知系今日个厨师系咪心情差，定系水吧条友新黎，今日喱餐食完，完全冇谂过再返转头食多次，埋单3百几，食得都几惊喜🤦🏻‍♂️