影片
更多
2017-02-21
126 浏览
搬左去上水咁耐都无周围行过，今晚同老公一齐周围行下当认识下，上水汇原来都新新地，同埋都近火车站，火车站A出口行条天桥就到上水广场，上水广场再行一条天桥就到上水汇啦，我地本来想食KFC，但发现有西餐食，我地拣左茜廊∼茜廊个名真系好熟，我睇返openrice先知原来系九龙湾德福个间！原来仲有天水围同乐富tim！我今次就试下上水呢间先！我地叫左两个Set Dinner，老公拣左牛扒，我叫左鱼∼先黎两个汤，今晚系南瓜汤，好Surprise地除左包入面有面包粒，仲送多两片面包呀！南瓜味不太浓，但胜在够甜，加蒜蓉包有d咬口真系不错！而且仲配上两片包，一片提子包，一片蒜蓉包∼主菜黎啦，老公叫既板烧美国肉眼牛扒，拣左蒜蓉汁，汁是另上的，望望块扒，份量十足！肉眼扒出名厚肉，呢扒都是，起码有2-3cm厚，入口鲜嫩多汁，成片油同肥腻既部份都好少，入口啖啖肉同埋柔软。由于系碟上，老公拣左七成熟，牛扒不是全熟，切开还是会见到血淋淋的肉眼肉，牛扒肉汁同蒜蓉汁加在一起，更增添左肉眼既味道！到我的主菜：BB菠菜鲜蚬煮鳕鱼，鳕鱼我一向都知好味，所以一睇，$168又唔贵，就拣佢∼菠菜好多，唔苦架，汁有好多，是白汁。鳕鱼好
我地叫左两个Set Dinner，老公拣左牛扒，我叫左鱼∼先黎两个汤，今晚系南瓜汤，好Surprise地除左包入面有面包粒，仲送多两片面包呀！南瓜味不太浓，但胜在够甜，加蒜蓉包有d咬口真系不错！而且仲配上两片包，一片提子包，一片蒜蓉包∼
主菜黎啦，老公叫既板烧美国肉眼牛扒，拣左蒜蓉汁，汁是另上的，望望块扒，份量十足！肉眼扒出名厚肉，呢扒都是，起码有2-3cm厚，入口鲜嫩多汁，成片油同肥腻既部份都好少，入口啖啖肉同埋柔软。由于系碟上，老公拣左七成熟，牛扒不是全熟，切开还是会见到血淋淋的肉眼肉，牛扒肉汁同蒜蓉汁加在一起，更增添左肉眼既味道！
到我的主菜：BB菠菜鲜蚬煮鳕鱼，鳕鱼我一向都知好味，所以一睇，$168又唔贵，就拣佢∼菠菜好多，唔苦架，汁有好多，是白汁。鳕鱼好厚，肉质细嫩，肉色雪白，鳕鱼亦充满鱼油味，但系肥而不腻，本身鳕鱼已经充满新鲜既鱼香，加埋白汁，又香又滑。另一个赞赏点系煎过既鳕鱼皮好香脆，整体上，成个鱼都系上品。
套餐仲包两杯饮品，我同老公都决定加$12转特饮，我叫左参须蜜菜，甜唔算好甜，参味够，蜜糖味又重，是好东西！老公那杯我比较喜欢，红枣蜜糖茶，如果唔靓既红枣阵味会好怪，好gip，但呢个红枣一黎已经有阵清香味，饮第一啖已经爱上，香既红枣加上蜜糖，蜜糖作出左中和既作用，令杯饮品无左gip味：）
老公话好耐无食过咁满意既一餐，太好了，老公开心，我开心。
张贴
