丼道 (上水廣場)

营业中

休息中

上水广场有间人气好旺的日本料理专食丼饭，仲有唔少甜品选择，今日嚟试吓。店内好多日本陈设，宽敞，坐得舒服，餐牌都做得好有心思，而且全日免收加一。每个餐跟椰菜丝沙律柚子醋或面豉汤同冻茶。海鲜刺身丼卖相好靓，摆得整齐有序，刺身有三文鱼、吞拿鱼、墨鱼片，鲍鱼片，大虾等，同埋玉子。刺身新鲜，款式齐全。丼饭采用日本新潟县越光米，口感念念地好有质感。吉列猪扒咖喱饭 同样跟餐，日本咖喱汁唔会太辣，吉列猪扒炸得好松化，而且好大块，卖相好靓。栗子红豆抹茶软雪糕中饼卖相好靓，抹茶软雪糕放在中饼内，中饼底内层铺满栗子蓉同红豆蓉，感觉好得意。绿茶味雪糕好香滑，唔算太甜。意式软雪糕配红豆 • 白玉团*扭纹(牛奶＋抹茶)可以拣鸳鸯口味，雪糕质地好香滑，白玉团烟烟韧韧，红豆蓉甜甜的，加埋一齐食，层次丰富，值得推介。