影片
更多
2021-05-02
459 浏览
趁著夏天热辣辣就更加要去户外玩下影下相行下当做运动啦🤣早前就同朋友去上水大水管打卡顺便explore下上水有咩好食。去玩之前先去到上水站附近嘅石湖墟熟食中心，有好几档都系唔少人嘅心水推介，牛腩面、竹蔗粥、猪扒面、菠萝蛋都好出名，今次我就拣咗明记，试下佢signature嘅菠萝蛋（蛋煎菠萝饱😂），加埋2个餐每人都只系$40左右，咁嘅价钱有咁多嘢食真系抵到烂啦😻😻菠萝蛋 - 煎蛋包住菠萝包都系第一次见，系呢度独有嘅名物，煎蛋皮有蛋香亦有牛油香，咸咸地，加上甜甜地嘅菠萝包，咸咸甜甜又几过瘾。菠萝包唔系脆口，亦都压到薄薄地，不过食落都食到啲松软嘅感觉😗沙爹牛一丁 - 见呢排沙爹牛咁hit就试下，不过呢个沙爹完全无沙爹味🙈🙈，只系浓稠少少有少少咸味嘅酱汁，亦无花生香，好在个牛肉几腍，出前一丁都煮得啱啱好够爽。牛肉通粉 - 通粉煮得啱啱好唔会腍，汤底系好classic嘅鸡汤味，唔系味精味，好有家的味道。奶酱多、蛋治 - 两份都系午餐包埋，蛋治预设咗无烘过，蛋薄薄地但算滑，个只大大罐茶餐厅常见嘅牛油味好出好香。另外嘅奶酱多就烘过，入面嘅酱薄薄一层唔会甜到漏都唔错。冻咖啡走甜 - 咖啡味几香浓，饮落算
菠萝蛋 - 煎蛋包住菠萝包都系第一次见，系呢度独有嘅名物，煎蛋皮有蛋香亦有牛油香，咸咸地，加上甜甜地嘅菠萝包，咸咸甜甜又几过瘾。菠萝包唔系脆口，亦都压到薄薄地，不过食落都食到啲松软嘅感觉😗
沙爹牛一丁 - 见呢排沙爹牛咁hit就试下，不过呢个沙爹完全无沙爹味🙈🙈，只系浓稠少少有少少咸味嘅酱汁，亦无花生香，好在个牛肉几腍，出前一丁都煮得啱啱好够爽。
牛肉通粉 - 通粉煮得啱啱好唔会腍，汤底系好classic嘅鸡汤味，唔系味精味，好有家的味道。
奶酱多、蛋治 - 两份都系午餐包埋，蛋治预设咗无烘过，蛋薄薄地但算滑，个只大大罐茶餐厅常见嘅牛油味好出好香。另外嘅奶酱多就烘过，入面嘅酱薄薄一层唔会甜到漏都唔错。
冻咖啡走甜 - 咖啡味几香浓，饮落算几滑，好正宗港式口味。
人均消费：$40
推介指数（10分为满分）：7.5分
张贴
