影片
更多
2025-02-05
65 浏览
食完个DINNER正餐觉得唔够喉，所以喺附近睇下有咩小食。最终喺饺子店同炸鸡店之间拣左炸鸡。我地两个人拣左16件无骨炸鸡，老板话加$10就可以双拼口味，所以我地加左钱要左葱蒜酱油拼蜂蜜芝士$98。炸鸡嘅SIZE唔算好大，口大嘅人一口一件都无问题。连皮炸鸡腿肉虽然即炸出嚟，但食落只属微脆；肉质唔鞋但称唔上嫩；蜂蜜芝士系淡淡嘅蜜味配上臭臭嘅车打芝士粉，蜜糖量多，食落好甜；葱蒜酱油中嘅蒜味较出，葱味零存在，酱油太多，好咸。垫底嘅薯条虽然热，但一D都唔脆，而且又无薯香，唔好味。整体食物味道好一般，如果下次好想食炸鸡都唔会想再嚟食。小店只有两张细枱，共四个座位。喺等野食嘅期间，都有几单外卖生意。小店接受现金或非商户alipay付款。
我地两个人拣左16件无骨炸鸡，老板话加$10就可以双拼口味，所以我地加左钱要左葱蒜酱油拼蜂蜜芝士$98。
炸鸡嘅SIZE唔算好大，口大嘅人一口一件都无问题。
连皮炸鸡腿肉虽然即炸出嚟，但食落只属微脆；肉质唔鞋但称唔上嫩；蜂蜜芝士系淡淡嘅蜜味配上臭臭嘅车打芝士粉，蜜糖量多，食落好甜；葱蒜酱油中嘅蒜味较出，葱味零存在，酱油太多，好咸。
垫底嘅薯条虽然热，但一D都唔脆，而且又无薯香，唔好味。
整体食物味道好一般，如果下次好想食炸鸡都唔会想再嚟食。
小店只有两张细枱，共四个座位。喺等野食嘅期间，都有几单外卖生意。
小店接受现金或非商户alipay付款。
张贴
