孖寶 (已結業)

有一排无入嚟上水，朝早入去探完亲戚再去揾朋友一齐探店，朋友今日话想食西餐，喺新城路行下行下就见到孖宝，其实之前都有曾经经过，但平时唔系成日食西餐，正好今日大家都想食西餐，就行返过孖宝，好彩都算近火车站。孖宝入面环境都唔错，装饰布置都几靓孖宝嘅套餐餐牌原来仲有分午餐价同下午茶餐价，但午餐就包埋餐汤同面包，而我哋去到仲系晏昼两点左右，两点半先有下午茶，同埋太肚饿嘅关系，仲可以试埋个餐汤同面包，真系嚟得合时。我叫咗份纽西兰肉眼牛扒，同行朋友叫咗香煎三文鱼扒，大家都配意粉同饮热奶茶。首先嚟咗两份餐汤同餐包，南瓜蓉汤非常好饮，又好creamy，煮到有啲甜甜哋，同埋好滑，朋友本身都唔食南瓜，点知饮咗啖就饮晒成碗汤。另外个餐包都好松软，配汤一流。轮到主食，先讲肉眼扒，一向唔钟意食太熟嘅牛扒，所以嗌咗五成熟。牛扒其实真系用眼已经知个质素系点，一上台就睇得出煎得刚刚好，肉眼好食之处系有啲筋韧韧哋，同埋有啲脂肪煎𠮶阵油香味会多返少少，块肉都甘香啲。另外个意粉都煮得唔错，唔会太软腍腍，个texture好好，整体味道唔错。开头以为7安士未必够，点知食到饱饱哋另外份三文鱼扒都好好食，又系煎到啱啱好。其实三文鱼扒