泰Cow

营业中

休息中

上水广场呢间泰式餐厅都开咗一段时间，呢日终于有机会同朋友一齐嚟试吓，餐厅环境座位唔算太多，但都算阔落，菜式选择都几多，我哋叫咗菠萝炒饭，蚝仔炒蛋，炒金边粉，猪颈肉，春卷同埋蒜蓉包，味道都唔错，可以一试，特别系蒜蓉包，四四方方热辣辣，仲配埋青咖喱同黄咖喱汁可以点嚟食，本身想再encore蒜蓉包，但店员话已经卖晒啦，唯有下次再食啦！饮品方面，唔记得影相，但印象中饮品比较甜，糖水成份比较多，可能饮返原个椰青会稳阵啲！甜品叫咗个芒果糯米饭，都系唔记得影相，但就记得好好味，下次帮衬会再叫！