Homy Cafe (已結業)

以往见呢间餐厅大排长龙，但疫情关系都少左人堂食，晚餐时段咁岩行过无咩人终于可以帮衬下（但其实堂食真系太多人都可以叫外卖支持下）铁板厚切猪鞍伴意粉 ($120)拣左Set Dinner 有得配埋餐汤意粉，估唔到块猪鞍系大块到咁，望落已经唔会好肥，切开既时候见到啲肉汁都已经觉得好食，juicy得黎生熟度又刚刚好，意粉都几大份添。经典芝士汉堡包 ($75 + 10)即点即整既汉堡，呢度既汉堡系基本上梗配左蕃茄生菜洋葱，再睇下你会想拣咩酱或其他配料。肉方面有牛肉，鸡或者素食者都会有其选择。今次拣左经典牛肉，肉系又厚又大块，个包都系重点之一，好好食。另外加$10仲配埋薯条，薯条系好新鲜，又脆口又香，好食。餐厅tea set仲有轻量汉堡选择，第时下午茶时段又多个好选择啦。