榮發茶餐廳

营业中

休息中

一家四口去食饭，谂住简简单单去茶餐厅，点知食物系畀酒楼质素更高。而且食物非常多元化，小菜、煲仔饭、粥、肠粉....都有齐。虾米肠~虾米系大大只果种，香味完全渗透整条肠粉，用料十足，肠粉亦够幼滑。鸡粥~粥底够晒绵密，鸡件数量亦都好多，鸡油香阵阵扑入鼻中。小炒王~坊间多以韭菜花为主菜，但呢度会用西芹替代，口感更加清爽，而当中嘅腰果亦都深得我心！炸到恰到好处！蒸鳝~鳝蒸嘅时间恰到好处，而且非常新鲜，鱼肉有咬口之余，配上汁料，简直系绝配！盐焗鸡半只~听闻鸡系由沙头角𠮶边攞货，仲要系走地鸡，一啲雪藏味都冇！够晒入味!腊味煲仔饭~腊味唔会好似坊间咁放晒上饭面，竟然埋喺饭中心，咁样就可以将所有腊味嘅精华完全渗入饭中，粒粒都令人回味无穷！