影片
更多
2015-11-29
870 浏览
系上水捐窿捐隙揾好野食终于揾到间满意既饭店喇！多款菜式选择，有烧味、广东小炒、川菜、潮菜、家常小菜、游水海鲜、等等！又多个揾食地方喇！普通烧味饭店格局，有楼上雅座、后巷位供食客选择。空气尚算流通，卫生都免强达接受程度。猪骨冬菇菜干汤，例汤无味精好好饮。汤底够晒热，菜干咸咸地，猪肉味浓郁，食落软棉，连渣都无剩。雪耳猪骨汤，汤汁浓郁到离奇！超级好饮既非一般例汤，烧味饭店既例汤一向有保证，因有大量下栏猪骨猪肉，掉晒落汤度肴，汤汁唔浓肉味都难啦。雪耳菊花咁大朵，有只碗咁大，夹住咬好似食紧包一样，劲搞笑！雪耳爽口，部份胶质已溶系汤汁之中，使到汤汁黏黏胶胶的，大爱！五层楼烧肉例牌，上网睇到系招牌菜所以慕名而来，专程黎一探虚实。索一索五层楼烧肉，烤猪肉香味浓厚，令人垂涎欲滴。五层不同既质感清晰可见，拣旧最靓既点少少芥辣掉入口，坚系绝顶高质噃，一咬皮脆肉嫩！香口非常又唔会油腻！顶层脆卜卜化皮，盖著薄薄油香脂肪，之后半肥瘦爽口猪肉，再黎系肉汁澎湃既瘦肉，压轴系重咸香结实猪肉。分开食会平平无奇，但成旧食混和所有质感同味道，神奇既化学作用，非常好食！添上芥辣微辛带甜，去一去腻滞感觉，啖啖肉，爽乎！五层楼烧肉
系上水捐窿捐隙揾好野食终于揾到间满意既饭店喇！多款菜式选择，有烧味、广东小炒、川菜、潮菜、家常小菜、游水海鲜、等等！又多个揾食地方喇！普通烧味饭店格局，有楼上雅座、后巷位供食客选择。空气尚算流通，卫生都免强达接受程度。
猪骨冬菇菜干汤，例汤无味精好好饮。汤底够晒热，菜干咸咸地，猪肉味浓郁，食落软棉，连渣都无剩。
雪耳猪骨汤，汤汁浓郁到离奇！超级好饮既非一般例汤，烧味饭店既例汤一向有保证，因有大量下栏猪骨猪肉，掉晒落汤度肴，汤汁唔浓肉味都难啦。雪耳菊花咁大朵，有只碗咁大，夹住咬好似食紧包一样，劲搞笑！雪耳爽口，部份胶质已溶系汤汁之中，使到汤汁黏黏胶胶的，大爱！
五层楼烧肉例牌，上网睇到系招牌菜所以慕名而来，专程黎一探虚实。索一索五层楼烧肉，烤猪肉香味浓厚，令人垂涎欲滴。五层不同既质感清晰可见，拣旧最靓既点少少芥辣掉入口，坚系绝顶高质噃，一咬皮脆肉嫩！香口非常又唔会油腻！顶层脆卜卜化皮，盖著薄薄油香脂肪，之后半肥瘦爽口猪肉，再黎系肉汁澎湃既瘦肉，压轴系重咸香结实猪肉。分开食会平平无奇，但成旧食混和所有质感同味道，神奇既化学作用，非常好食！添上芥辣微辛带甜，去一去腻滞感觉，啖啖肉，爽乎！
五层楼烧肉例牌，尊登行多几条街黎食招牌五层楼烧肉，都值既！层次分明、五种质感与味道，肉香味浓有软棉有滑溜有咬口，松化脆卜卜烧肉皮，加埋芥辣更醒神。如果有食神照住可以撞到刚刚出炉热辣辣烧肉，就真系不得了！
野椒炒鹅肠，见到个名好有趣咪试试啰。我谂野椒意思系𠮶啲青色辣椒仔，原条炒辣味完全唔出，鹅肠只食到甜甜豉椒味。鹅肠质地非常腍劈劈，完全唔爽口，怪怪的！
刴椒蒸排骨，酸酸辣辣好开胃，虽然只系现成剁椒酱，微辣带咸香捞饭一定好好食，但食晒碟排骨个咸鱼叉烧炒饭都未到啊。排骨半肥瘦，质地旧旧软腍有咬口，部份仲有软骨脆卜卜呢。
咸鱼叉烧炒饭，第一味烧肉上枱已即刻追加碟咸鱼叉烧烧饭，但等到三个𩠌差不多食晒先到啰！炒得有点湿又有点油，唔够干爽㖞，所以镬气有点削，黏住饭既油似系浸咸鱼既油啰！味道就真系唔错，好香口！饭都炒到一粒粒好饱满又好咽韧！
油鸡髀叉烧饭，上次食切鸡中左伏，无鸡味只有咸味，又硬又干，今次试试油鸡先，好好多！可能鸡肉被豉油焗过，所以较切鸡软滑，不过质地依然实净，肉汁欠棒，豉油味略咸，整体合格。叉烧都系好平庸，唔难食，有点干硬，入得口。白饭算满意，捞上甜豉油添点葱油，加旧叉烧或鸡肉，大大啖啪入口，感觉良好，都唔错既。
食咁多野，阿姐听到都呆一呆，哈哈。美国挨完返到黎都成个月，但仲未停到口添，日日 keep 住密密食！系美国无啖好食啰！
张贴
