漁匠料理 (已結業)

作为一个北区人，讲真上水粉岭真系无咩好食，因上水已经沦为水货城，药房仲多过便利店，系无野好食之中，好彩都仲有一间开左颇耐既日本餐厅仍然屹立不倒。 平时多数黎食佢地既下午茶，今晚约埋细妹试下佢地既晚餐先。巨峰梳打 同 柚子蜜梳打，入面有爆球增加口感，天气热饮返杯梳打真系爽~系是日推介度叫左金目鲷刺身同日本室津生蚝，金目鲷既卖相好靓，一睇就知新鲜，鱼肉微甜又有弹性，点埋佢旁边酸酸地既酱汁又好开胃。 平时食澳洲，法国蚝就多，日本室津生蚝真系未试过，一于叫两只试下，质地都几Creamy，不过海水味同蚝味就较淡，岩一d初尝征蚝既朋友食。冻蕃茄沙律，蕃茄多汁饱满，加埋黑醋汁调味，好清新refresh!!!我同细妹都好钟意食软壳蟹，所以一见到呢度有软壳蟹天妇罗就话一定要叫。 原只软壳蟹炸到金黄色真系好吸引，炸得几干身，一d都唔油淋淋，好酥脆，软壳蟹味好香浓，正！备长炭烧海鲜并盘，有带子，鲍鱼仔，大蚬同蚝，即烧即食，四样海鲜都好鲜甜，唔洗加任何调味料都好好味，可以一边烧，一边食，一边倾下计，唔错唔错~最后食埋甜品，温室蜜瓜红豆芭菲，一上枱真系哗！一声。系成半个日本蜜瓜，好够份量，呃like一流，先食蜜