漁匠料理 (已結業)

星期四day off，同朋友去上水dinner，食左间未试过嘅日本野—渔匠。铺头7点几倒已经坐满左人，之后都一直有人黎，虽然人多但冷气都好够。果到环境唔错，几有日本风味，除左有日本风情画做装饰之外，亦都放左好多清酒樽。我地2个人食左珍宝三文鱼寿司、油甘鱼寿司、鲜带子寿司、珍宝赤海虾寿司，刺身，又食左串烧加埋野饮同甜品都只系300几，真系好抵。啲寿司全部都好新鲜，尤其带子寿司，因为新鲜所以好鲜甜，而且肉够厚，啖啖肉真系好正。烧物方面就有烟肉蕃茄串、牛舌、帆立贝同鸡翼。我就钟意食牛舌，因为真系好食夹大份。其中有个大根鹅肝最有惊喜。一黎个食材配搭好特别，系冬菇、白萝卜配鹅肝。二黎就系出黎个效果好好，夹埋之后个口感好丰富之余，萝卜仲中和左鹅肝嘅油腻。咁因为我钟意饮咖啡，所以就嗌左雪糕咖啡，我朋友就钟意绿茶，嗌左抹茶红豆冰。雪糕咖啡都几唔错，咖啡味够浓，唔会话冰溶左就好淡。最后就系个甜品，北海道风温室蜜瓜红豆芭菲。个份量真心超大，我地2个人都食唔晒。温室蜜瓜原只上，好香甜，红豆亦好稔，加埋雪糕真系世界级。Overall黎讲真系好好，够抵，而且系日本菜黎讲真系有惊喜。