鳳鳴居

营业中

休息中

醉鸡面食得多，但就未食过一间令我成日挂住佢嘅。有日咁啱去开上水就去试下总店，门口有人等紧外卖，入面就冇坐满人所以直接入座。唔洗多讲第一时间嗌左个醉香鸡汤米线 $50，面有好多选择，不过我钟意食米线所以嗌哩款。成间舖都带住好香嘅醉鸡味。嗌完好快就有得食，想赞下有样嘢好好，面一上，就有埋一小碟辣椒豉油同一个俾你放鸡骨嘅碟仔，觉得哩样嘢好抵赞，唔洗自己嗌，好体贴，又唔洗担心啲鸡骨要放边好！一黎就试下啖汤先，一饮就觉得又香又甜，好鲜，唔系味精嘅味道，酒嘅味道又唔会过浓，系会忍唔住系咁饮汤。鸡件方面有鸡脾同鸡胸嘅部份，鸡胸系比较硬，但系可接受范围，本身就咁食鸡就已经好够味，但掂埋个辣椒豉油就变得惹味，唔食得辣嘅人都唔洗担心，bb辣黎，吊下个味好好食。除左鸡仲有几块木耳，都几大块，仲好爽下，冇煮到好淋。米线质地好完美，系带烟韧嘅口感，又吸左少少汤嘅味道，一啖汤一啖米线一齐食真系好好食！哩个价钱，哩个味道，可以encore无限次。