馬來亞崔哥私房菜

营业中

休息中

其實上水除咗上水廣場之外，附近嘅街道都有好多唔同嘅特色小店！今次又嚟到呢區捐窿捐罅搵食，一於就食下呢間馬來亞崔哥私房菜，品嚐一下馬來西亞風味嘅特色咖喱啦～✨椰香咖喱豬扒飯椰香咖喱嘅辣度係微辣，味道充滿豐富嘅椰香同埋香料味，果然係餐廳嘅招牌！豬扒份量多，足足有兩大塊，加咗咖喱汁之後超惹味，用來送飯一流～✨椰香咖喱牛腩配印度手抓餅咖喱牛腩肉質軟嫩，牛筋位亦有嚼勁，同咖喱汁嘅濃厚味道相得益彰！印度手抓餅口感煙韌微脆，點埋咖喱汁一齊食，亦係別有另一番風味～✨凍奶茶除咗茶香之外，仲有幼滑嘅奶香～✨熱柚子蜜帶有濃郁嘅柚子香味，清新得來又唔會太過甜膩～