All Day Cafe (已結業)

上水广场5楼大翻新，开咗几间新食肆，俾我发现到呢间新嘅文青风格既All Day Cafe。 上水人终于唔使去到粉岭食All Day Breakfast喇❣️两个人点咗一份All Day Breakfast (💰$68) 同埋 松露酱卡邦拿意粉 (💰$98)， 再跟一杯 低糖果茶 (💰$30) 同埋 冷泡咖啡 (💰$48up)。All Day breakfast除咗标准份量，仲可以自己追加配菜，款式仲好多添 😮 如果晏少少食，当埋午餐都得。我今次就加多咗份烟三文鱼🐟。成份早餐水准一流，特别系只蛋够晒滑，烟三文鱼既味道啱啱好，唔会太咸。个🍝松露酱卡邦拿意粉亦都够晒分量。 一嚟到已经闻到好香嘅松露味，食落仲好creamy， 绝对系值得encore嘅一款 !低糖果茶系🍑桃蓉加红茶，见到啲果蓉架，份量十足之剩唔酸唔甜，女士必选。而杯🥃冷泡咖啡就系用咗爪哇咖啡豆去冲泡，亦保留咖啡的油脂，所以口感柔滑，香味浓郁 (当中亦有淡淡水果风味)。上水有间文青cafe可以打卡之余又好味，连餐具同咖啡杯都好精致，上水牛真系好滚动😂。侍应态度好有礼貌，请佢介绍下唔同咖啡都好细心。下次要试下个日本带子香草青酱意粉先。