孖寶 (已結業)

我以为上水只系得药房同金铺，原来都有一间见得人既西餐厅，好感动！平日7点半入座，人未算多，所以老板娘安排我同朋友二人坐四人枱~其实我一早就系openrice做定功课，所以好明确咁拣左佢地既招牌-安格斯牛肉芝士汉堡。朋友就举棋不定，所以老板娘推荐佢试试新出既羊西冷，系连menu都未有既新菜式我地仲叫多个炸薯条配黑松露酱—呢个系最快上枱，一大盘，起码用3个薯仔切出黎，新鲜炸起，热辣辣、脆卜卜，我心急即食，一拎起就辣亲手指。黑松露酱一大杯，好香，点薯条食一流。餐汤系甘笋姜汤，新奇既配搭。有细细既姜粒，既似到姜味又唔会盖过甘笋风头，女仔饮姜汁仲可以暖胃。安格斯牛肉芝士汉堡有足足8oz牛肉，牛扒由厨师每日坚持人手打，所以有嚼劲同juicy，切开入面啲牛肉仲系粉红色，劲嫩，啲肉汁流哂出黎。配料都唔少，芝士、蕃茄、生菜、洋葱，虽然系简单，但最能映衬出主角既美味羊西冷出场啦～未食之前我同朋友都惊羊西冷会好鞋、好干，但一切开，哗！啲肉汁咇紧出黎啊，仲要系粉红色架，一啲都唔老。其实我唔太钟意食羊，因为闻到佢啲骚味我都怕怕，但见朋友食到赞不绝口，我都试少少。骚味一定有，但唔多，系我呢种怕骚既人都接受到既程度